Dhoobley(Idaacadda Sanguuni)-Guddoomiyaha Golaha Baarlamaanka Federaalka Soomaaliya Sheekh Aadan Madoobe ayaa sheegay in kalfadhiyada soo socda lagu dhameystiri doono qodobbo muhiim ah oo ay ku jiraan arrimaha dastuurka.
Guddooiyaha Golaha Baarlamaanka oo ka qeybgalay Kulanka todobaadka warbaahinta qaranka ayaa sheegay in xilliyada soo socda ay xubnaha mudanayaashu ka doodi doonaan hindise sharciyeedyo wax ku ool ah oo gaaraya 14 .
Sheekh Aadan Madoobe ayaa xusay in kalfadhiyadii hore lagu ansixiyay shuruuc badan oo ay kamid ahaayeen kuwo khuseeyay arrimaha bulshada , dhaqaalaha iyo kuwo kale.
Guddoomiyaha Golaha Shacabka waxa uu ugu dambeyntii faray shacbiga Soomaaliyeed in ay midoobaan, isla markaana ay gacan ka geystaan horumarka dalka.
