Dhoobley(Idaacadda Sanguuni)-Wakiilka goolhayaha Juventus Michele Di Gregorio ayaa daaha ka qaaday in xiddiga uu wakiilka u yahay xagaagii iska Diiday kooxda Liverpool ka Hor inta uuna ku biirin kooxda Juventus.
Reds ayaa lala xiriirinayay dhowr goolhaye intii lagu jiray suuqa kala iibsiga ee ugu horeysay ee Arne Slot kaas oo doonayay badalka Caoimhin Kelleher.
Di Gregorio ayaa ka mid ahaa bartilmaameedyada Reds iyaga oo u arkay xiddig qaban Kara shaqo fiican.
Isagoo la hadlayay Tuttosport ka dib guushii ay Juve dhawaan 2-0 kaga badisay Manchester City, Belloni ayaa daaha ka qaaday: “Maya ayaan ku nidhi Liverpool xagaagii si aan ugu biiro mashruuca Juventus”.
“Waxa uu si adag uga shaqaynayaa sidii uu u horumarin lahaa si joogto ah, waxa uu dhigay goob jimicsi si uu ugu tababarto maalmaha fasaxa ah, waxa uu leeyahay maskax cajiib ah, rabitaankiisuna waa in uu qayb ka noqdo kooxda Juventus oo dib u qorta taariikhda isla markaana ku guulaysata koobab muhiim ah”.
