Dhoobley(Idaacadda Sanguuni)-Madaxweyne Trump ayaa sheegay in dowladiisa ay “dad dili doonto” isagoo sii wada siyaasadiisa ku aadan beegsiga kooxaha daroogada ka ganacsada.
Waxa uu mar kale ku tilmaamay hawlgalladan ay yihiin dagaal, in kasta oo ku dhawaaqis kasta oo noocaas ah ay tahay in uu ansixiyo Congress-ka.
Maamulka Trump ayaa todobaadyo duqaynaya maraakiibta mara badaha Caribbean-ka iyo Pacific-ga, halkaas oo ay ku dileen 37 qof, balse iyada oo aan wax caddayn ah la bixin ayaa doomahaas loo adeegsaday daroogada.
Dhaleeceyntiisii ugu dambeysay ee howlgalladan, madaxweynaha Colombia Gustavo Petro wuxuu yiri “dhimashadu waxay u sii kordhaysaa sida mitirka tagsiga”.
Mr Trump ayaa soo jeediyay in uu Senate-ka ka codsan doono in howlgalka lagu balaariyo dhulka. Duqeymaha cirka ah ayaa sharci dajiyeyaal iyo ururro badan oo u dooda xuquuqda madaniga ah waxay ku tilmaameen inay ahaayeen dilal sharci darro ah.
