Dhoobley(Idaacadda Sanguuni)-Wada xaajoodyada qandaraaska cusub ee Liverpool ee Mohamed Salah ayaa wali socda, laakiin kooxda iyo ciyaartoyga ayaa weli aad ugu kala fog heshiiska sidaay sheegayaan wararku.
Salah ayaa ka mid ah xiddigaha ugu mushaharka badan kooxda iyada oo ay weheliyaan xiddigaha Virgil van Dijk iyo Trent Alexander-Arnold kuwaas oo sidoo kale heshiiskooda kooxda ee haatan dhacayo.
Kooxda Arne Slot ayaa hogaaminaysa premier League Salah ayayna ka go’antahay in u kooxda kula guulaysto koobab xilli ciyaareedkan.
Wakiilada Mohamed Salah ayaa haatan wadahadalo kula jira Kooxda Liverpool si ay ugala hadlaan rabitaanka xiddiga ee heshiiska cusub.
Salah ayaa noqday xiddiga ugu mushaharka badan kooxda markii uu saxiixay heshiis cusub sanadkii 2022 inkasta oo uu galay sanadihii ugu dambeeyay ee heshiiskiisa hadana Salah ayaa ah xiddigaha ugu fiican premier League.
