Dhoobleey(Idaacadda Sanguuni)-Ra’iisul Wasaaraha Xukuumadda Federaalka Soomaaliya mudane, Maxamed Xuseen Rooble, ayaa lagu wadaa inuu maanta safar ugu baxo magaalada Kismaayo ee looga arrimiyo Dowlad Goboleedka Jubaland.
Ra’iisul Wasaare Maxamed Xuseen Rooble safarkiisa Kismaayo ayaa aad looga dareemayaa guud ahaan degaanada kala duwan ee Dowlad Goboleedka Jubaland, safarka Ra’iisul Wasaaraha ayaa noqonaya kii ugu horeeyey oo uu ku booqda Dowlad Goboleedka Jubaland Mudadii uu Xafiiska Joogay, isaga oo hore u booqday dhammaan maamul goboleedyada kale ee Dalka,
Sidoo kale waxa la filayaa inuu Ra’iisul Wasaaraha dhagax dhigi doono mashaariic hormarineed oo laga hirgalin doono qeybo ka mid ah degaanada Dowlad gobaleedka Jubaland.
