Dhoobley(Idaacadda Sanguuni)-Tababaraha Arsenal, Mikel Arteta, ayaa sheegay inuu aad ugu faraxsan yahay qaab ciyaareedkii kooxdiisu ku soo bandhigtay guushii weynayd ee 4-0 ay kaga badiyeen Atletico Madrid kulankii Champions League.
“Dabcan, aad ayaan ugu faraxsanahay uguna faanayaa bandhigii iyo natiijadii aan ka helnay koox aad u fiican,” ayuu Arteta ka sheegay shirkii jaraa’id kaddib ciyaarta.
“Markaan falanqeynayay Atletico, waxaan u arkayay koox aad u adkeysi badan oo si fiican u abaabulan. Waxaan ogaa inay adkaan doonto inaan garaacno, waxayna u baahnayd weerar, dulqaad, iyo xakameyn.
“Qaabka ay u maareeyeen xaaladaha ciyaarta iyo sida ay u beddeli karaan dhaqankooda waa wax cajiib ah.
“Inkastoo ay ahayd 0-0 waqtigii nasashada, annaga oo abuurnay labo ilaa saddex fursadood oo waaweyn, waa inaan sii haynaa dulqaadka, isla markaana xoogaa kor u qaadnaa weerarka si aan u dhaawacno kooxaha naga hor imanaya.”
Arsenal ayaa dhalisay afar gool muddo 14 daqiiqo ah qeybtii labaad, waxaana shabaqa soo taabtay Gabriel Magalhães, Gabriel Martinelli, iyo laba gool oo uu dhaliyay Viktor Gyökeres.
