Dhoobley(Idaacadda Sanguuni)-Tababaraha kooxda Arsenal Mikel Arteta ayaa ka warbixiyay xaalada Gabriel Magalhaes iyo Jurrien Timber ka hor kulanka ka hor kulanka Real Madrid.
Labada daafac ee Arsenal ayaa dhaawac looga saaray kulankii ay Gunners 2-1 kaga badisay Fulham iyadoo Bukayo Saka uu dhaliyay gool soo laabashadiisa.
Gabriel ayaa dhaawac muruqa ah ka soo gaaray 15 daqiiqo markii ay socotay ciyaartii ka tirsanayd Fulham.
Ciyaaryahanka heerka caalami ee dalka Brazil ayaa daweyn lagu sameeyay gudaha garoonka, laakiin ma uusan awoodin inuu sii wato, waxaana bedelay Jakub Kiwior.
Timber ayaa sidoo kale la arkay isaga oo la dhibtoonaya xanuun markii ay ciyaartu socotay saacad waxana uu xanuun ka dareemay kubka.
Isaga oo ka hadlay shirkii ciyaarta ka dambeeyay Arteta ayaa yidhi”Gabriel Iyo Jurrien ma garanayno xaaladooda, waanu qiimayn doonaa”.
“Gabi wax ayuu ka dareemay muruqa ma garanayno sida ay u weyn tahay”.
“Jurrien wuxuu horay ugu dhibaatoonayay xanuun mana uusan awoodin in uu sii wato ciyaarta”.
