Tababare Ronald Koeman ayaa liiska xiddigaha Kooxda Barcelona kulanka caawa uga qeyb-galaya ee isudiyaarinta xilli ciyaareedka ee wajahaya naadiga Girona ku darsaday saxiixiisa cusub ee Memphis Depay.
Koeman ayaa sidoo kale awood u yeeshay inuu soo dhoweeyo Clement Lenglet, Antoine Griezmann iyo Frenkie de Jong oo dib ugu soo laabtay isbuucaan Tababarka isudiyaarinta xilli ciyaareedka, saddexdaan xiddig ayaana ku soo baxay liiska xiddigaha caawa wajihi kara Kooxda Girona.
Todobaadkan ayay u duuli doonaan dalka Jarmalka, halkaasoo ay 29-ka bishaan July ay kula soo ciyaari doonaan Kooxda Stuttgart, intaas kaddibna waxa ay dib u soo laaban doonaan 02 bisha Agoosto ee soo aaddan.
Halkaan hoose ka eeg liiska xiddigaha Kooxda Barcelona uga qeyb galaya kulanka caawa ee Girona:-
Goolhayeyaasha: Neto, Inaki Pena, Arnau Tenas.
Daafacyada: Sergino Dest, Sergi Roberto, Gerard Pique, Samuel Umtiti, Clement Lenglet, Igor Gomes, Santi Ramos Mingo, Moussa Ndiaye, Arnau Comas, Alejandro Balde.
Khadka dhexe: Frenkie De Jong, Miralem Pjanic, Riqui Puig, Nils Mortimer, Nico Gonzalez, Alex Collado, Gavi.
Weerarka: Memphis Depay, Antoine Griezmann, Rey Manaj, Yusuf Demir.
