Dhoobley(Idaacadda Sanguuni)-Tababaraha Manchester City Pep Guardiola ayaa xaqiijiyay in Citizens ay ka baqayaan Liverpool, sababtoo ah Reds ayaa si fiican u soo bandhigtay qaab ciyaareed cajiib ah.
Manchester City ayaa garoonkeeda Etihad ku marti galin doonta kooxda Liverpool, Axada soo socota, si ay u wada ciyaaraan kulan ka tirsan todobaadka 32-aad ee horyaalka premier League.
Wargeyska “Daily Mail” ayaa daabacay wareysi uu bixiyay Tababaraha Manchester City Pep Guardiola, waxaana hadaladiisa ka mid ahaa:
“Waan ognahay inaan qeyb ka difaaci doono Liverpool, waxay halis dhab ah ku yihiin laadadka xorta ah iyo koornooyinka, waxayna haystaan ciyaartoy wanaagsan.”
“Waan ka hadli doonaa si aan wax uga qabano kubaddaha koornada, way naga dheer yihiin waana inaan aqbalnaa taas.”
“Jurgen Klopp wuxuu ahaa kii ugu waynaa ee aan wajaho xirfadayda ciyaareed, mana u noqon tababare si aan u noqdo kan ugu fiican, waxaan jeclaan lahaa in aan u sheego in aan ahay kan ugu fiican, laakiin ma ihi.”
“Klopp wuxuu ka dhigayaa aduunka kubada cagta meel wanaagsan oo lagu noolaado.”
“Haddii aan guulo gaaro, waxaa sabab u ah shaqaalahayga tababarka, kooxdayda weyn, lacag badan, shaqo badan, iyo ciyaartoy badan oo tayo leh.” Ayuu yiri Pep Guardiola.
