Qeybta hore ee ciyaarta ayaa lagu kala nastay barbardhac 0-0 ah ay isku dhaafi waayeen labada kooxood Everton iyo Manchester United.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 88-aad kooxda Manchester United ayaa hoggaanka u qabatay ciyaarta, waxaana 0-1 ka dhigay weeraryahankooda Edinson Cavani, kaddib markii uu goolkan ka caawiyay saaxiibkiis Anthony Martial.
90 daqiiqo marka ay dheesha mareysay kooxda Manchester United ayaa dhalisay goolkeeda labaad ee ciyaarta waxaana 0-2 ka dhigay Anthony Martial, kaddib markii uu goolkan caawiyay saaxiibkiis Marcus Rashford.
Ugu dambeyntii ciyaarta ayaa ku soo dhamaatay 0-2 oo ay Manchester United kaga soo adkaatay kooxda Everton oo ku sugneyd garoonkeeda Goodison Park, Ole Gunnar Solskjær iyo wiilashiisa ayaana u gudbay wareega afar dhammaadka ee tartanka Carabao Cup-ka.
SAWIRRO:
