Dhoobleey(Idaacadda Sanguuni)-Kooxda Liverpooln ayaa soo gashay kaalinta lixaad ee kala sareynta horyaalka Premier League ka dib markii ay guul muhiim ah ka gaareen kooxda Wolves oo marti ku aheyd garoonka Anfield.
Reds oo kulankeedii ugu danbeeyay ee horyaalka barbaro gashay ayaa 2-0 caawa kaga takhalustay kooxda dhibka badan ee Wolves.
Goolal ay kala dhaliyeen Virgil van Dijk iyo Mohamed Salah ayaa ka caawiyay kooxda Jurgen Klopp guushii caawa iyagoo haatan leh 39 dhibcood, waxayna lix dhibcood ka danbeeyaan kooxda kaalinta afaraad ee Tottenham oo kulan sii hor ciyaartay, laakiin Newcastle oo ku jirta kaalinta shanaad ayaa waxaa u harsan kulan marka loo eego Liverpool.
Qeybtii hore ee ciyaarta wax badan ma aysan sameynin labada kooxood, iyadoo Elliot uu helay fursadii ugu fiicnaa ee Liverpool halka Wolves ay heshay kaliya hal darbo, waxaana qeybtii hore lagu kala nastay barbaro goolal la’aan ah.
Afar daqiiqo ka dib Liverpool waxay heshay goolkii labaad ee ciyaarta oo ay ku xaqiijisteen natiijada markii Tskimikas uu kubad u soo celiyay Mohamed Salah oo isna shabaqa dhex dhigay.
Lixdii ciyaareed ee uu Mohamed Salah joogay Liverpool waxa uu dhaliyay in ka badan 20 gool tartamada oo dhan.
Waxay ciyaarta ku soo dhamaatay 2-0 oo ay Liverpool ku qaarjisay Wolves.
