(Liverpool) 19 Sebt 2020. Warbaahinta Ingariiska ayaa xaqiijisay in Liverpool ay ku dhowdahay inay dhameystirto heshiiskoodii labaad 48 saacadood gudahood, kaddib markii ay la saxiixatay Thiago Alcantara.
Liverpool ayaa si rasmi ah u shaacisay shalay inay dhameystirtay heshiiska ciyaaryahanka khadka dhexe ee reer Spain Thiago Alcantara, kaasoo kaga soo biiray naadiga Bayern Munich.
Wargeyska lagu kalsoonaan karo ee “Liverpool Echo” ayaa sheegay in Liverpool ay dhameystirtay dhamaan faahfaahinta looga baahan yahay si ay ula saxiixato weeraryahanka reer Portugal iyo kooxda Wolverhampton ee Diogo Jota.
Wargeyskan ayaa sheegay in Liverpool ay kula heshiisay Wolverhampton inay bixiso 41 million pounds si ay ula soo saxiixato Diogo Jota xagaagan.
Klopp ayaa go’aansaday inuu la soo saxiixdo weeraryahan kale si uu ula tartamo seddexda ciyaaryahan Mane, Salah iyo Firmino, kulamada ay Liverpool ka ciyaari doonto tartamada kala duwan laga bilaabo xilli ciyaareedkan cusub.
Gool FM.
