Qeybta hore ee ciyaarta ayaa lagu kala nastay 1-0 ay ku hoggaamineysay kooxda martida loo ahaa ee Liverpool.
Daqiiqadii 18-aad kooxda Liverpool ayaa hoggaanka u qabatay dheesha kaddib markii uu 1-0 ka dhigay Diogo Jota, wuxuuna caawin ka helay saaxiibkiis Konstantinos Tsimikas.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
69 daqiiqo marka ay ciyaarta mareysay Sadio Mane oo caawin ka helay saaxiibkiis Trent Alexander-Arnold, ayaa wuxuu ciyaarta ka dhigay 2-0 ay ku hoggaamineysay kooxda Liverpool.
Ugu dambeyntii ciyaarta ayaa waxay ku dhammaatay 2-0 ay kaga adkaatay Liverpool kooxda Burnley oo marti ugu aheyd garoonka Anfield, xilli ciyaartan ay qeyb ka aheyd kulammada horyaalka Premier League.
SAWIRRO:
