Lionel Messi Oo Go’aamiyay Mustaqbalkiisa – PSG, Sucuudiga, Maraykanka Mise Barcelona?

By
admin
-
0
93

Dhoobley(Idaacadda Sanguuni)-Weeraryahanka kooxda Paris Saint-Germain ee Lionel Messi ayaa la sheegayaa inuu go’aan ka gaadhay mustaqbalkiisa iyo kooxda uu xilli ciyaareedka dambe u dheelayo.

Messi ayaa dhinacyo badan looga gacan haadinayaa, waxa kamid ah kooxdiisii hore ee Barcelona ee Barcelona oo doonaysa inay xor ku hesho kaddib markii uu xor kaga tagay 2021.

Sidoo kale waxa Leo laga doonayaa horyaalada Saudi Arabia oo uu horeba Cristiano Ronaldo usii joogo iyo horyaalka MLS-ka Maraykanka oo mudo dheer doonayay kabtanka Argentina.

Messi ayaa wadahadalo hordhac ah arrimo heshiis kordhin kala yeeshay PSG oo qandaraaskiisii hore xagaaga ku eeg yahay.

Sida uu sheegayo wargeyska Sportsmail, dalabka kaliya ee Messi iyo aabihii ahna wakiilkiisa Jorge Messi miiska u saaran ayaa ah mid uga yimid PSG.

Warbixinta ayaa sheegaysa in go’aanka Messi yahay inuu sii joogo Paris isla markaana ay wali ka go’antahay aragtida ah inuu Champions League kula guuleysto kooxdaas.

PSG ayaa la filayaa inay markale isbedelo badan ku samayso maamulka kooxdeeda xilli ciyaareedka dambe iyadoo la caydhinayo macalin Christopher Galtier.

Sportsmail ayaa sheegaya in go’aanka kaliya ee Messi u hadhsan yahay halka uu ka ciyaarayo kaddib Paris ayna u badantahay inuu horyaalka Maraykanka ka degi doono.

RELATED ARTICLESMORE FROM AUTHOR