Dhoobleey(Idaacadda Sanguuni)-Kooxda Brighton ayaa taako u dhigtay Chelsea oo ay ku booqatay garoonka Stamford Bridge, kaddib markii ay ku kala baxeen barbardhac 1-1 ah, ciyaar qeyb ka ahayd kulammada toddobaadkan ee horyaalka Premier League.
Qeybta hore ee ciyaarta ayaa lagu kala nastay 1-0 ay ku hoggaamineysay kooxda martida loo ahaa ee Chelsea.
Daqiiqadii 28-aad kooxda Chelsea ayaa hoggaanka u qabatay ciyaarta kaddib markii uu 1-0 ka dhigay Romelu Lukaku waxaana goolkan caawintiisu lahaa Mason Mount.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
90 + 1 daqiiqo marka ay ciyaarta mareysay kooxda Brighton ayaa dhalisay goolka barbardhaca waxaana 1-1 ka dhigay D. Welbeck oo caawin ka helay saaxiibkiis M. Cucurella
Ugu dambeyntii ciyaarta ayaa waxay ku dhammaatay barbardhac 1-1 ah ay ku kala baxeen labada kooxood Chelsea iyo Brighton, Blues ayaa booska kaalinta labaad kala baxday Liverpool waxayna leedahay 41 dhibcood.
SAWIRRO:
