Haddaba kaddib markii ay heshiis cusub ka saxiixatay Dani Carvajal, waxaa la ogaaday ciyaaryahanka xiga ee ay Los Blancos doonayso inay qandaraaska u kordhiso.
Jariiradda Marca ee ka soo baxda Spain ayaa warinaysa in ciyaaryahankaasi uu yahay Karim Benzema, isla markaana uu weeraryahankan qarka u saaran yahay inuu qandaraas cusub qalinka ugu duugo Real Madrid.
Xiddigan reer France ayaa heshiiskiisa haatan waxa uu ku eg yahay sanadka 2022-ka, laakiin Los Blancos ayaa diyaar u ah inay heshiis cusub oo hal sano ah ka saxiixato.
Benzema ayaa dhaliyey 23 gool 34 kulan oo horyaalka La Liga uu u ciyaaray Kooxda Real Madrid xilli ciyaareed la soo dhaafay.
