(Liverpool) 29 Agoosto 2020. Halyeeyga kooxda Liverpool ee Jamie Carragher ayaa aaminsan in Reds aysan lasoo saxiixan doonin kabtanka naadiga Barcelona ee Lionel Messi.
Xiddiga reer Argentina ayaa lala xiriirinayay inuu ku biirayo kooxda Manchester City xagaagan, marka loo eego rabitaankiisa ah inuu ka tago naadiga Barcelona inta lagu gudi jiro suuqan xagaaga.
Haddaba Jamie Carragher ayaa wareysi uu ku bixiyay shabakada “Sky Sports” ee dalka England wuxuu ku sheegay:
“Waxaan rajeynayaa inaan ku arko Lionel Messi horyaalka Premier League”.
“Waxaan doonayaa inaan daawado, waxaana doonayaa inaan falanqeeyo, meesha kaliya uu dhab ahaantii ka aadi karo England waa Manchester City”.
“Taariikhda uu la leeyahay tababare Pep Guardiola, iyo saameynta dhaqaale ay kooxda ku raaxeysato, ayaa suurtogal ka dhigeysa inuu u dhaqaaqo City”.
“Uma maleynayo in Liverpool ay u dhawaan doonto xaaladan, dhaqaale ahaan, iyo sababa la xiriira qaabka ay u ciyaarto Reds”, ayuu yiri halyeeyga reer England ee Jamie Carragher.
Gool FM.
