Dhoobley(Idaacadda Sanguuni)-Madaxa garsooreyaasha Ingiriiska Howard Webb ayaa xaqiijiyey in uu sax ahaa goolkii ay Newcastle United kaga adkaatay Arsenal ee uu Anthony Gordon dhaliyey waqtiga dambe, kaas oo uu ka dhashay muran badan oo ay Gunners ka gadooday.
Howard Webb oo ah madaxa garsooreyaasha PGMOL ee Ingiriiska, waxa uu taageeray garsooreyaasha VAR ee uu sida weyn u weeraray tababare Mikel Arteta oo ku tilmaamay inay ceeb sameeyeen.
Gordon ayaa goolkiisa laga hubiyey afar meelood oo ahaa, in ay kubaddu ka baxday garoonka, in offside uu jiray, qalad lagu galay Magalhaes iyo in kubaddu ay gacan ku dhacday, hase yeeshee waxa ugu dambayntii la ansixiyey in goolkaasi uu sax yahay iyadoo VAR ay gaadhay go’aanka oo saddex daqiiqadood iyo ka badan la sugayay.
Howard Webb oo la hadlayay warbaahinta ayaa yidhi: “Tani waxay ahayd waqti weyn, xaalad aan caadi ahayn oo saddex arrimood ay VAR hubisay, sida in kubaddu ay baxday iyo in kale, si goolka looga noqdo.
“Waxaynu arkaynay in kubaddu ay aad ugu dhoweyd aaladda goolka, ha illoobin in calanwaduhu uu taagnaa laynak saxda ah.”
