(Lisbon) 15 Agoosto 2020. Manchester City ayaa kulan ka tirsan siddeed dhammaadka Champions League, waxa ay magaalada Lisbon kula ciyaari doontaa naadiga Lyon, waxaana ay doonaysaa Sky Blues in markeedii labaad gaarto afar dhammaadka tartankan.
Citizens kooxda ayaa ku garaacday kooxda ugu guulaha badan tartankan ee Real Madrid laba lugood wareeggii hore, halka Lyon ay soo reebtay kooxda haysata horyaalnimada Talyaaniga ee Juventus.
Ku guuleystaha kulankaan ka dhacaya garoonka Estadio Jose Alvalade oo la ciyaari doono kaliya hal lug ayaa semi-finalka isbuuca soo socda ku wajihi doona Bayern Munich oo ku soo tumatay xalay Barcelona.
Ogeysiiska Ciyaarta:-
Tartanka: UEFA Champions League
Taariikhda: Sabti 15 Agoosto 2020
Saacadda ay bilaabaneyso dheesha: 10:00 Habeennimo xilliga geeska Afrika.
Garoonka: Estadio Jose Alvalade
Garsooraha: Danny Makkelie (Dutch )
Wararka Kooxaha:-
Sergio Aguero ayaa wajahaya tartan adag si uu u caddeeyo taam ahaanshihiisa kulanka caawa oo Sabtida ee Champions League ay la ciyaarayaan Lyon. Waxay noqon lahayd wax la la yaabo haddii Gabriel Jesus uusan ku soo bilaaban xitaa haddii Aguero uu waqtiga ku soo kabsaday.
Pep Guardiola ayaa soo dhoweynaya ciyaaryahankiisii hore ee daafaca garabka bidix uga ciyaari jiray Monaco iyo Marseille Benjamin Mendy, kaasoo ganaax ka soo laabanaya. Joao Cancelo ayaa si fiican u ciyaaray maqnaanshihiisa, laakiin Mendy ayaa rajeynaya inuu dib u helo booskiisa kooxda ee halkaan.
Rodri iyo Ilkay Gundogan ayaa ugu cadcad inay ku bilowdaan khadka dhexe, laakiin David Silva iyo Bernardo Silva ayaa ah xulasho haddii Guardiola uu wax ka bedelo. Phil Foden waxa uu u ciyaaray sagaal been ah kulankii ugu dambeeyay ee ay la ciyaarayeen Real Madrid, layaabna ma noqon laheyd haddii daafaca reer Spain uu ku tuuro meel kale oo taatiko ah.
Ferran Torres iyo Nathan Ake ayaa saxiixyo xagaagan ah, sidaa darteed kama ciyaari karaan Champions League kal ciyaareedkan 2019/20.
Moussa Dembele ayaa si layaab leh looga reebay kulankii Juventus isbuucii hore, laakiin wuxuu ka shaqeeyay sida Lyon ay ugu guuleysatay maadaama ay ugu danbeyn soo baxeen, waana la arki doonaa inuu ku soo laaban doono safka kooxda.
Jason Denayer ayaa afar sano ku qaatay Manchester City isagoo aan u ciyaarin kooxda, laakiin halkan ayuu ku wajihi doonaa, Youssouf Kone ayaa ah dhaawaca kaliya ee ka walwalaya kooxda reer France.
Houssem Aouar ayaa la la xiriiriyay inuu xagaaga u dhaqaaqayo Man City, waana mid ka mid ah daawadeyaasha ciyaartaan ee kooxda ka socota Magaalada Lyon.
Xaqiiqooyinka ciyaarta:-
>- Man City ayaa dhalisay ugu yaraan labo gool 14 ka mid ah 17-keedii kulan ee ugu dambeeyey oo ay ciyaartay tartanka Champions League.
>- Kooxda Man City qeybta hore ee ciyaarta barbaro gashay, waxaana ay guuleysatay ciyaarta oo dhammaystiran saddexdii kulan ee ugu dambeeyey oo ay ciyaartay Champions League.
>- Sky Blue ayaa guuleystay saddexdeedii kulan ee ugu dambeeyey oo ay ciyaartay tartanka Champions League.
Shaxda Macquulka ah ee labada kooxood:-
Gool FM.
