Dhoobley(Idaacadda Sanguuni). Kooxaha Espanyol iyo Barcelona oo barbaro ku kala baxay kulankii adkaa ee Catalan derby, kaddib markii ay ku kala baxeen barbardhac 2-2 ah, ciyaar qeyb ka ahayd kulammada 24-aad horyaalka La Liga ee dalka Spain.
Qeybta hore ee ciyaarta ayeey labada kooxood Espanyol iyo Barcelona ku kala nasteen barbardhac 1-1 ah.
Daqiiqadii 2-aad ee bilawga ciyaarta Barcelona ayaa hoggaanka u qabatay dheesha waxaana 0-1 ka dhigay Pedri kaddib caawin kaga timid Jordi Alba.
Laakiin 40 daqiiqo marka ay dheesha mareysay kooxda Espanyol ayaa dhalisay goolka barbardhaca Sergi Darder oo caawin ka helay saaxiibkiis Raúl de Tomás ayaa wuxuu ciyaarta ka dhigay barbaro 1-1 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 64-aad kooxda Espanyol ayaa hoggaanka u qabatay ciyaarta kaddib markii uu 2-1 ka dhigay laacibkooda Raúl de Tomás oo caawin ay kaga timid saaxiibkiis Sergi Darder.
90 + 6 marka ay ciyaarta mareysay L. d. Jon goo caawin ay kaga timid saaxiibkiis A. Traore ayaa wuxuu ciyaarta ka dhigay barbardhac 2-2 ah.
Ugu dambeyntii ciyaarta ayaa ku dhammaatay barbardhac 2-2 ah ay ku kala baxeen labada kooxood Espanyol iyo Barcelona, kaddib barbardhacan Barca ayaa ku jirta kaalinta 5-aad ee kala sareynta horyaalka Spain, waxayna leedahay 38 dhibcood.
