Dhoobley(Idaacadda Sanguuni)-Maamulka Liibiya ayaa sheegay in ugu yaraan 61 meydka muhaajiriin laga soo saaray labadii toddobaad ee la soo dhaafay xeebaha galbeed ee Liibiya, galbeedka caasimadda Tripoli.
Xarunta Gargaarka Degdegga ah ee Daawada iyo Xarunta Taageerada, oo ah hay’ad dawladeed oo hoos timaadda wasaaradda caafimaadka, ayaa sheegtay in haraaga meydadka laga helay deegaannada ku fidsan Zuwara ilaa Ras Ijdir, oo u dhow xudduudda Tunisia.
Warbixin ay soo saartay Sabtidii, xaruntu waxay ku sheegtay “haraaga saddex mayd laga helay Mellitah iyo 12 ee Zuwara, oo dhammaantood ay leeyihiin muhaajiriin.”
Wakaaladda wararka ee Reuters ayaa ku warrantay in 34 kale oo meyd ah laga helay Zuwara, Abu Kammash iyo Mellitah, oo sidoo kale soo xiganaysa xarunta.
Ilaa 12 ka mid ah meydadka ayaa lagu soo warramayaa in la aasay, halka qaar kalena la dhigay qolka meydadka, si baaritaanno loogu sameeyo meydadka iyo halka ay kasoo jeedaan.
Sawirro la soo dhigay barta Facebook-gga xarunta ayaa muujinayay kooxo caafimaad oo meydadka ka soo aruuriyay xeebaha oo ku xiraya baco cadcad.
