Depay ayaa lala xiriirinayay inuu u dhaqaaqayo kooxda Barcelona sababo la xiriira inuu xiiseynayo tababare Ronald Koeman, gaar ahaan kaddib markii uu ka tagay Barca weeraryahanka reer Uruguay ee Luis Suarez, kaasoo ku biiray Atletico Madrid.
Haddaba wargeyska “Metro” ayaa shaaca ka qaaday wareysi uu bixiyay Memphis Depay, waxaana hadaladiisa ka mid ahaa:
“Waa inaan diirada saaraa kooxda Lyon markale, waana arki doonaa sida ay wax u socdaan”.
“Qofna ma awoodo inuu fiiriyo mustaqbalka, haddii aan kaliya qabsado shaqadayda, xiisaha laga muujinayo adeegeeyga wuu sii jirayaa, waana laga yaabaa in lagu guuleysto markan”.
Memphis Depay oo ka hadlayay wararka la xiriirinayay heshiiska uu ugu biiri lahaa kooxda Barcelona ayaa yiri:
“Haa, waxay ahayd mid aad u shaki badan, uma baahnin inaan si faahfaahsan uga hadalno, laakiin runtii waxaan ku dhowaaneyn inaan dhameystirno howsha, nasiib darrose waxyaabaha qaar ayaa joojiyey arrintaas”.
“Waxaan aaminsanahay in wax kasta oo noloshayda ku dhaca ay u dhacaan sabab, haddii ay noqoto inay dhacdo, way dhici doontaa”.
