Cristiano Ronaldo Oo Ku Dhawaaqay Kooxda Uu U Ciyaarayo Xilli Ciyaareedka Dambe

By
admin
-
0
96

Dhoobley(Idaacadda Sanguuni)-Weeraryahanka kooxda Al Nassr ee Cristiano Ronaldo ayaa shaaca ka qaaday inuu xilli ciyaareedka dambe sii joogi doono kooxdiisa isagoo mustaqbalkiisa oo waxyaabo kala duwan laga qorayay dhinac u riday.

Kabtanka Portugal ayaa bishii January si rasmi ah ugu wareegay Al Nassr kaddib markii uu heshiis wadajir ah kaga tagay Man United.

Heshiiskaas uu Ronaldo kaga dagay Al Nassr ayaa toddobaadyadii ugu dambeeyay shaki la galinayay, waraysi uu dhawaan bixiyay 38 sano jirkaasi ku xaqiijiyay inuu sii joogo doono Al Nassr oo uusan meelna uga socon.

“Halkan waan ku faraxsanahay, waxaan doonayaa inaan halkan kusii wato, halkan ayaan kusii wadan doonaa (Waayahayga ciyaareed)” ayuu yidhi Ronnie.

“Aragtidaydana haddii ay sii wadaan shaqada ay doonayaan inay halkan ka sameeyaan, shanta sano ee soo socda waxaan filayaa in horyaalka Saudi-gu kamid noqon karo shanta ugu wanaagsan dunida”.

“Qayb ayaan ka noqon doonaa dunidiina, qayb ayaan ka noqon doonaa dhaqankiina, halkan ayaan joogi doonaa, waxaan rajaynayaa inaan dadka ka dhigo kuwo ku raxaysta kulamadayda, bandhigayga iyo inaan wax ku guuleysto”.

Ronaldo ayaa 14 gool usoo dhaliyay Al Nassr 16 kulan oo uu u ciyaaray tan iyo markii uu kusoo biiray iyagoo booska labaad kaga dhammaystay kala sarreynta horyaalka

RELATED ARTICLESMORE FROM AUTHOR