Dhobley(Idaacadda Sanguuni)-Chelsea ayaa garoonkeeda Stamford Bridge guul kaga gaartay kooxda Chesterfield ciyaar qeyb ka ahayd kulammada wareegga saddexaad ee tartanka FA Cup, kaddib markii ay kaga adkaatay 5-1, waxayna Blues iska xaadirisay wareegga afaraad ee tartanka.
Qeybta hore ee dheesha ayaa lagu kala nastay 4-0 ay ku hoggaamineysay kooxda martida loo ahaa ee Chelsea.
Daqiiqadii 6-aad ee bilowgii ciyaarta Chelsea ayaa durba hoggaanka u qabatay dheesha waxaana 1-0 ka dhigay Timo Werner.
18 daqiiqo marka ay dheesha mareysay Hudson-Odoi ayaa wuxuu ciyaarta ka dhigay 2-0 ay ku hoggaamineysay kooxda Chelsea.
Romelu Lukaku ayaa wuxuu hoggaanka u dheereeyay kooxdiisa Chelsea isaga oo dheesha ka dhigay 3-0 ay Blues ku horkaceysay.
39 daqiiqo Andreas Christensen ayaa wuxuu ciyaarta gaarsiiyay 4-0 ay ku hoggaamineysay kooxda kubadda cagta Chelsea.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 55-aad Chelsea ayaa loo dhigay rogoore waxaana gool ka dhigay Hakim Ziyech ciyaarta ayaa waxay sidaas ku noqotay 5-0 ay ku hoggaamineysay kooxda Blues.
80 daqiiqo marka ay ciyaarta mareysay kooxda Chesterfield ayaa dhalisay gool waxaana 5-1 ka dhigay laacibkooda Asante
Ugu dambeyntii ciyaarta ayaa waxay ku dhammaatay 5-1 ay kaga adkaatay Chelsea, kooxda Chesterfield ku soo booqatay garoonka Stamford Bridge, iyada oo Blues sidaas ugu gudubtay wareegga afaraad ee tartanka tartanka FA Cup.
