Dhoobley(Idaacadda Sanguuni)-Bruno Fernandes ayaa diiwaangeliyay caawintiisii ugu horreysay ee xilli ciyaareedka Premier League 2025/26 intii lagu jiray guushii Manchester United 2-1 kaga adkaatay Liverpool.
Khadka dhexe ee reer Portugal ayaa caawin heer sare ah ku sameeyay goolka guusha ee uu dhaliyay Harry Maguire, kaddib markii uu kubbad si fiican ugu dhex tuuray xerada ganaaxa.
Caawintaas ayaa ka dhigtay Fernandes inuu gaaro 52 caawin oo Premier League ah tan iyo markii uu ku biiray Red Devils.
Tani waxay sidoo kale Fernandes gelisay kaalinta shanaad ee ciyaartoyda ugu caawinta badan taariikhda Manchester United ee Premier League, isagoo saddex caawin u jira inuu la sinmo Paul Scholes oo ku jira kaalinta afraad.
Sidoo kale, Fernandes ayaa hadda dhaafay halyeeyga Eric Cantona, kaas oo haystay 51 caawin oo Premier League ah intii uu joogay Old Trafford.
