Dhoobleey(Idaacadda Sanguuni)-Howlgal qorsheysan oo ay sameeyeen Ciidamada Booliska gobolka Nugaal, waxaa ay kusoo qabteen 24 duub oo ah maandooriyaha Xashiishka, gaarigii waday iyo dadkii Ka ganacsanayay.
Saraakiisha Ciidamadda Booliska ayaa sheegay in ay heleen xogta gaarigan xili uu marayay aaga xaafada Jillab ee Garowe kaas oo ay markii dambe gacanta ku soo dhigeen gaarigan iyo Nimanki waday intaba.
Taliyaha qaybta Booliska Gobolka Nugaal G/Sare Xussen Cali Maxamuud oo ka hadlay madashii lagu soo bandhigayay ayaa u mahadceliyay ciidamadii howlgalkan fuliyay iyo bulshadii xog bixiyaasha ahaa intaba.
Taliyaha qaybta Booliska Nugaal G/Sare Xussen Cali ayaa dhanka kale bulshada ugu baaqay inay ciidamada amaanka la shaqeyaan ciidamadana si wanagsan ula dhaqmaan madama ciidanka Booliiska uu yahay u adeegaha shacabka.
Taliye Xussen Cali Maxamuud ayaa sido kale ciidamada booliska ugu baaqay inay bulshada u naxariistaan madama lagu Jiro bishii barakeysned ee Ramadaan.
