Dhoobleey(Idaacadda Sanguuni). Halyeeyga kooxda Real Madrid Emilio Butragueño ayaa xaqiijiyay in garoonka cusub ee Santiago Bernabeu, kaddib dayactirka hadda ku socda, uu sare u qaadi doono sumcadda kooxda ee heer caalami.
Emilio Butragueño ayaa tilmaamay in taageerayaasha iyo martida ay fursad u heli doonaan inay ku raaxeystaan garoonka sanadka oo dhan, oo kaliya maahan inta lagu guda jiro kulamada ay kooxdu martigalin doonto tartamada kala duwan.
Sida uu daabacay wargeyska “Marca” ee dalka Spain, Halyeeyga Real Madrid Emilio Butragueño ahna madaxa xiriirka hey’adaha ee kooxda ayaa wareysi uu bixiyay wuxuu ku sheegay:
“Garoonkan cusub wuxuu fure u noqon doonaa mustaqbalka Real Madrid, si la mid ah sidii Bernabeu uu ahaa 1947”.
“Waxaan ku taami doonnaa inaan xukumi doono kubadda cagta adduunka sababa la xiriira garoonka, waana lagu raaxeysan doonaa 365 maalmood ee sanadkii, maadaama taageerayaashu ay ku raaxeysan doonaan garoonka sanadka oo dhan, oo kaliya maahan 30-ka kulan ee garoonkeena aan ku ciyaareyno sanad kasta”.
“Waxaan rajeyneynaa inaan noqono kuwa ugu fiican, sidaas darteed waa inaan heysanaa ciyaartoyda ugu fiican, wuxuuna garoonka noqon doonaa mid Istiraatiiji ah”.
Intaas kaddib Butragueño ayaa tilmaamay in garoonka ay ku jiri doonaan waxyaabo badan ee lagu faani karo, sababtoo ah wuxuu ahaan doonaa:
“Goobta sharraxaysa inta badan taariikhda Real Madrid, habeennada lama iloobaanka ah, iyo waxa ay Real Madrid maanta tahay, waa gurigeenna, waa halka ay ku kulmaan qoysku iyo meesha aan ku dareenno farxad”.
“Waxa uu noqon doonaa garoonka ugu fiican adduunka, iyo wax ay ku faanaan taageerayaasha Real Madrid”.
