Dhoobleey(Idaacadda Sanguuni)-Kooxda Barcelona ayaa guul dirqi ah ka gaadhay kooxda Real Betis kulan ka tirsanaa horyaalka La Liga oo baaqi u ahaa labada kooxood.
Kooxda Barcelona ayaa maamulaysay ciyaarta xilli ay Real Betis ciyaaraysay weeraro rogaal celis ah qaadaysay.
Qaybta hore ee ciyaarta ayaa ku dhamaatay bar-baro gool la’aan ah iyada oo labada kooxoodba si fiican u difaacdeen goolkooda.
Daqiiqadii 65-aad ayay Barcelona dhalisay goolka 1-aad waxana u dhaliyay xiddiga Raphinha kaas oo ciyaarta ka dhigay 1/0 ay kooxdiisu ku hogaaminayso ciyaarta.
Kooxda Barcelona ayaa daqiiqadii 80-aad dhalisay goolka 2-aad waxana u dhaliyay xiddiga Robert Lewandowski kaas oo ciyaarta ka dhigay 2/0.
Kooxda Real Betis ayaa daqiiqadii 85-aad heshay gool waxana si khaldan isaga dhaliyay xiddiga Jules Kounde kaas oo Rajo kooxda Betis ciyaartana ka dhigay 2/1.
Waxa sidaas ku dhamaatay ciyaarta oo ay Barcelona gaadhay guul dirqi ah isla markaas sii xoojisatay hogaanka horyaalka La Liga xilli ciyaareedkan.
