Dhoobleey(Idaacadda Sanguuni)-Kooxda Arsenal ayaa shan dhibcood oo nadiif ah ku qabatay hogaanka horyaalka Premier League ka dib markii ay 4-0 ku dubteen kooxda Everton oo marti ugu aheyd Emirates Stadium.
Goolal ay kala dhaliyeen Bukayo Saka Gabriel Martinelli ayaa guusha u xaqiijiyay Gunners halka Everton ay weli ku dhex jirto boosaska loogu dhaco heerka labaad.
Everton ayaa kubada difaacaneysay muddo 40 daqiiqo ah laakiin shantii daqiiqo ee ugu danbeysay qeybtii hore ee ciyaarta ayay Arsenal fursad u heshay inay ku ciqaabto kooxda dhibtooneyso.
Daqiiqadii 40aad Aleksandr Zinchenko ayaa kubad u dhigay Bukayo Saka oo ka leexsaday Mykolenko ka hor inta uusan labo jeer kubada sii taabanin oo uusan dabamarinin goolhaye Jordan Pickford.
Daqiiqadii 70aad Arsenal ayaa hurdo u dirtay ciyaarta markii Leandro Trossard uu kubad u soo celiyay Martin Odegaard oo aan shabaqa la gafin isagoo dhaliyay goolkii seddexaad ee Arsenal.
Durbadiiba taageerayaasha Arsenal ayaa bilaabay inay ku heesaan “inagaa ugu sareena horyaalka”, Gunners ayaa seddex darbo oo goolka ku bartilmaameedsan oo ay heshay intaba u bedeshay gool.
Guushaan waxay kalsooni dhis u tahay Arsenal oo u dagaalameysay markii ugu horeysay muddo sannadooyin ah hanashada horyaalka Premier League.
