Dhoobleey(Idaacadda Sanguuni)-Arsenal ayaa garoonkeeda Emirates saddexda dhibcood kaga qaadatay 10 xiddig oo kooxda West Ham ah, kaddib markii ay kaga adkaatay 2-0 ciyaar qeyb ka ahayd kulammada horyaalka Premier League.
Qeybta hore ee ciyaarta ayeey labada kooxood Arsenal iyo West Ham United ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 48-aad kooxda Arsenal ayaa hoggaanka u qabatay ciyaarta kaddib markii uu 1-0 ka dhigay laacibkooda Gabriel Martinelli, waxaana ka caawiyay goolkan saaxiibkiis Alexandre Lacazette.
69 daqiiqo marka ay ciyaarta mareysay Gunners ayaa loo dhigay rigoore balse waxaa ka qaasaariyay weeraryahankooda Alexandre Lacazette.
Daqiiqadii 87-aad Smith-Rowe oo caawin ka helay saaxiibkiis Bukayo Saka ayaa wuxuu dheesha ka dhigay 2-0 ay ku hoggaamineysay kooxda Arsenal.
Ugu dambeyntii ciyaarta ayaa ku dhammaatay 2-0 ay Arsenal kaga adkaatay kooxda West Ham United oo marti ugu ahayd garoonka Emirates, Gunners ayaa haatan soo fariisatay kaalinta 4-aad ee dhanka kala sareynta horyaalka Premier League, waxayna leedahay 29 dhibcood.
SAWIRRO:
