Dhoobley(Idaacadda Sanguuni)-Arne Slot ayaa noqday tababarihii ugu horeeyay ee Liverpool taariikhda guulaysta mid kasta oo ka mid ah saddexdii kulan ee ugu horeeyay horyaalka ee ay ku ciyaartay meel ka baxsan garoonkeeda.
Tababaraha ayaa kooxdiisa ku hogaamiyay guul ay ka gaareen Wolverhampton Wanderers Premier League fiidnimadii Sabtida, waxaana goolasha u kala dhaliyay Ibrahima Konate iyo Mohamed Salah.
Natiijadii Molineux waxa Ka horaysay laba guul oo ay Liverpool Ka gaadhay kooxaha Man united iyo Ipswich.
Reds ayaa haatan badisay seddexdii kulan ee furitaanka ee ay marti ahaayeen xilli ciyaareedka Premier League markii seddexaad, ka dib markii ay sidaas sameeyeen 2018-19 iyo 2019-20.
Kadib guusha Wolves, Liverpool Ayaa hogaaminaysa horyaalka Premier league.
