Dhoobley(Idaacadda Sanguuni)-Tababaraha Kooxda Real Madrid ee Carlo Ancelotti ayaa sheegay in uu ka tagi doono Santiago Bernabue kaliya hadii kooxdu doonayso in uu ka tago kooxda.
Heshiiska tababaraha haatan ayaa dhici doona xagaaga 2026 waxana uu ku jiraa wakhtigiisii 2-aad ee kooxda kuwaas oo aan xaalad fiican ku jirin.
Real Madrid ayaa laga badiyay labadii kulan ee ugu dambeeyay tartamada champions League iyo horyaalka La Liga taas oo cadaadis saartay tababaraha kooxda ee Ancelotti.
Waxa jira warar sheegaya in maamulka Real Madrid shaqada ka caydhinayaan tababaraha hadii ayna natiijooyinku is badalin kulamada soo socda.
Isaga oo ka hadlaya mustaqbalkiisa ayuu Ancelotti yidhi”Hadii ay Real Madrid doonayso in aan boxo waan bixi doonaa”ayuu yidhi.
