Dhoobleey(Idaacadda Sanguuni)-Garabka kooxda Barcelona ee Ousmane Dembele ayaa iska leexiyay amaan uu markasta ka helo macalinkiisa Xavi Hernandez isagoo magacaabay xiddigo kaga horreeya halkaas.
La Liga ayaa markale haysta qaar kamida xiddigaha dunida ugu wanaagsan wakhtigan iyadoo toddobaadkan lagu soo daray ciyaaryahan kale oo ah Jude Bellingham.
Xavi Hernandez ayaa markasta ku qeexi jiray Dembele garabka weerar ee ugu wanaagsan dunida balse ciyaaryahanka ayaa qaba inay doorkaas kaga horreeyaan xiddigo uu kamid yahay isla Vinicius-ka Madrid iyo Rafael Leao oo AC Milan ka tirsan.
“Anigu markasta waxaan halkaas u joogaa si aan kooxda goolal iyo gool-caawimooyin ugu caawiyo balse ma odhan karo waxaan ahay midka ugu fiican ee kubaddaha hal-ka-halka ah waxaana jira ciyaartoy halkaas aad ugu wanaagsan, sida Vinicius iyo Leao, iyagu waa ciyaartoy aad u wanaagsan” ayuu yidhi Ousmane.
