Dhoobleey(Idaacadda Sanguuni)-Kooxaha Chelsea iyo Leicester City ayaa dhibcaha ku qeybsaday garoonka Stamford Bridge, kaddib markii ay ku kala baxeen barbardhac 1-1 ah, kulan qeyb ka ahaa horyaalka Premier League.
Qeybta hore ee ciyaarta ayeey labada kooxood Chelsea iyo Leicester City ku kala nasteen barbardhac 1-1 ah.
Daqiiqadii 6-aad Leicester City ayaa hoggaanka u qabatay ciyaarta waxaana 0-1 ka dhigay xiddigooda khadka dhexe James Maddison.
Laakiin 34 daqiiqo marka ay dheesha mareysay Chelsea ayaa dhalisay goolka barbardhaca kaddib markii uu 1-1 ka dhigay Marcos Alonso oo caawin ka helay saaxiibkiis Reece James.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Balse ugu dambeyntii ciyaarta ayaa ku dhammaatay barbardhac 1-1 ah ay ku kala baxeen labada kooxood Chelsea iyo Leicester City, kaddib kulan xiiso badan ay ku wada ciyaareen garoonka Stamford Bridge.
