Dhoobleey(Idaacadda Sanguuni)-Guddoomiyaha Guddiga doorashooyinka Heer Federaal Muuse Geelle Yuusuf iyo Xubno kamid ah Guddiga ayaa waxaa ay Magaalada Muqdisho kulan kula qaateen qaar kamid ah Wakiilada Beesha Caalamka.
Kulanka ayaa waxaa ay uga wada hadleen muhiimadda ay leedahay in waqtigeeda lagu qabto doorashada Golaha Shacabka oo lagu kalsoonaan karo si waafaqsan war-murtiyeedkii ka soo baxay shirkii dhowaan ee Golaha Wadatashiga QaranGuddoomiyaha Guddiga doorashooyinka Heer Federaal Muuse Geelle Yuusuf ayaa Wakiilada Beesha Caalamka siiyay warbixin la xiriirta hanaanka ay ku socdaan doorashooyinka Golaha Shacabka iyo sida ay muhiimka u tahay in doorashada waqtigeeda lagu soo geba gabeeyo.
Xubno Wakiilada Beesha Caalamka ayaa dhankooda Guddoomiyaha ugu baaqay inay dardar geliyaan doorashoohinka Golaha Shacabka, isla markaana waqtiga loo asteeyay aysan dhaafin.
Soomaaliya ayaa waxaa haatan ka socda doorashooyinka Golaha Shacabka, waxaana Wakiilada Beesha Caalamka ay isha ku hayaan sida ay ku socdaan doorashoyinka
