Ansu Fati oo la dhibtoonaya dhaawac xoogan ee soo gaaray, taasoo sababtay inuu garoomada ka maqnaado mudo aad u dheer, ayaa si cad u sheegay inuu doonayo inuu ku guuleysto saddexleyda taariikhiga ah iyo koobka Euro 2021.
Wargeyska “Mundo Deportivo” ee dalka Spain ayaa wuxuu shaaca ka qaaday wareysi uu bixiyay Ansu Fati, waxaana hadaladiisa ka mid ahaa:
“Waxaan u rajeynayaa caafimaad wanaagsan qof walba sanadkaan adag ee sidan oo kale ah sababa la xiriira Korona Fayras.”
“Weli waa macquul inaad ku guuleysato seddexleyda, adigoo ku guulesanaya La Liga, Copa del Rey, iyo Champions League.”
“Waxaan rajeynayaa inta lagu guda jiro sanadka cusub ku guuleysiga koobab, iyo inaan awoodo inaan kula dabaaldego garoonka Camp Nou taageerayaasheena, kuwaasoo dhibaato badan la kulmay sanadkaan socda.”
Inaas kaddib Weeraryahanka kooxda Barcelona ee Ansu Fati ayaa wuxuu ka hadlay koobabka kale uu rajeynayo inuu ku guuleysto, wuxuuna yiri:
“Waxaan rajeynayaa inaan la sii joogo xulka qaranka Spain oo aan ku guuleysto Koobka Euro 2021.”
“Waxaan sidoo kale rajeynayaa inaan sii wado koritaanka ciyaartoy ahaan iyo shaqsi ahaanba, taas oo ah wax aysan cidna shaki ka qabin.”
