(Liverpool) 29 Agoosto 2020. Tababaraha kooxda kubadda cagta Liverpool ee Jürgen Klopp ayaa xaqiijiyay inaysan macquul aheyn in Reds ay gudbiso dalab si ay ula soo saxiixato Lionel Mssi oo la filayo inuu ka tago Barcelona si uu ugu biiro koox kale.
Lionel Messi ayaa muujiyay rabitaankiisa ah inuu ka tago Barcelona, kaddib guuldaradii foosha xumayd ee kaga soo gaartay kooxda Bayern Munich wareega siddeeda tartanka Champions League, kulan ku dhamaaday 8-2, ay ku adkaatay kooxda reer Germany.
Klopp oo ka soo muuqday shir jaraa’id maanta kahor kulanka Arsenal ee koobka FA Community Shield, wuxuuna ka hadlay wararka la xiriira Lionel Messi, wuxuuna yiri:
“Yaan dooneynin in Lionel Messi uu ku heysto kooxdiisa? dhamaanteen taas ayaan dooneynaa”.
“Xaqiiqdii waxaan rajeynayaa inaan ku arko Messi maaliyada Liverpool, laakiin ma jiro fursad aan kula soo saxiixano”
Macalinka reer Germany ayaa sidoo kale ka hadlay wararka la xiriiranaya Man City inay ugu sarreyso liiska kooxaha xiiseynaya inay la saxiixdaan Lionel Messi, wuxuuna yiri:
“Waa wax iska cad inay ka dhib badnaan doonto si ka daran sidii hore in laga adkaado Manchester City, haddii ay dhacdo inuu ku soo biiro Lionel Messi”.
“HoryaalkaPremier League wuxuu noqon doonaa mid cajiib ah, laakiin ma hubo baahida loo qabo in lagu tartamo heshiiskan”.
“Wali ma dhicin inuu ka ciyaaro horyaal kale, kubadda cagta halkan waa mid ka duwan, waxaan jeclaan lahaa inaan daawado laakiin ma hubo inaan daawan doono”.
Gool FM.
