Dhoobley(Idaacadda Sanguuni)-Xiddiga Manchester United Bruno Fernandes ayaa la hadlay warbaahinta kadib guushii 2-1 ay kooxdiisu ka gaartay Chelsea kulankii shanaad ee Premier League.
Kabtanka Red Devils ayaa yiri:
“Dhibcaha saddexda ah mar kasta waa muhiim, waxaana u ciyaarnay si heer sare ah si aan isu muujinno kulanka xiga. sidaas darteed ciyaarta soo socota iyaduna waa muhiim.”
Isagoo ka hadlayay gaarista 100 gool oo uu u dhaliyay United, Fernandes wuxuu raaciyay:
“Gool walba waa muhiim, waqtiga aan dhaliyaba. Inaan gaaro guushan anigoo u ciyaaraya naadi sharaf leh waa waqti muhiim ii ah, taasna ma qarinayo. Haddii aan dhalin karo goolal kale si aan kooxda u caawiyo, waa arrin aan ku dadaali doono.”
Wuxuu hadalkiisa ku soo gabagabeeyay:
“Ka hor kaadhkii casaa ee Casemiro, waxaan ku jirnay horumar kadib markii goolhayahooda ciyaarta laga saaray. Waxaan si heersare ah u difaacannay goolashii aan la hormarnay, xitaa markaan hal gool qasaarnay, ugu dambeyn waxaan helnay natiijadii aan rajeynaynay.”
