Dhoobley(Idaacadda Sanguuni)-Weeraryahanka Bayern Munich Harry Kane ayaa aaminsan in la’aanta No.9 ee heer sare ah ay sabab u tahay awood Lionel Messi iyo Cristiano Ronaldo.
Xiddigaha Messi iyo Ronaldo ayaa muddo 10 sano ah awood ku haystay kubada cagta iyaga oo ku Guulaystay Koobab badan iyo abaalmarino badan oo shaqsi ah.
Kane ayaa aaminsan in xiddigaha haatan doorbidaan garbaha weerarka halkii ay weeraryahan toos ah ka ciyaari lahaayeen sabab la xidhiidha Messi iyo Ronaldo.
Isaga oo Sheegay qaar ka mid ah xiddigaha Lamine Yamal, Vinicius Jr, Mohamed Salah iyo Kylian Mbappe aya doorbidayaan inay ka ciyaaraan garbaha.
Kane aya yidhi”waxa aan qabaa in ciyaartu is badalayso, sida ay tabbarayaashu yihiin haatan”.
“Xiddigo badan ayaa koray iyaga oo doonaya in ay ka ciyaaraan garabka weerarka”.
” Messi iyo Ronaldo ayaa muddo dheer awood ku haystay kubada cagta xiddigo badan ayaana doonayay in ay sidoo oo kale noqdaan sidaasna waxa ku yaraaday weeraryahanada tooska ah”.
