Dhoobley(Idaacadda Sanguuni)-Waxaa korortay tirada dadka ku dhintay dhul-gariirka ka dhacay dalka Shiinaha taas o gaartay ugu yaraan 95 qof, halka dhaawucuna uu marayo 130 qof. Dhul-gariirka xoogiisu waxaa uu ka dhacay gobolka Tibet sida warbaahinta dowladda Shiinuhu ku warrantay.
Dhulgariirka ku dhuftay magaalada Shigatse ee Tibet ayaa dhacay saacaddu markay ahayd 09:00 xilliga maxalliga ah ee dalkaas, waxaana cabbirkiisu ahaa 7.1 sida laga soo xigtay xogta sahanka dhulka ee Maraykanka, taasoo sidoo kale muujinaysa cabsi ah in dhul-gariir kale uu dhici karo.
