Dhoobley(Idaacadda Sanguuni)-Liverpool ayaa guul ka gaartay kooxda Everton kulankii xiisaha badnaa ee Merseyside derby, kaddib markii ay kaga adkaatay 2-0, kaasoo qeyb ka ahaa kulammada toddobadkan ee horyaalka Premier League.
Qeybta hore ee ciyaarta ayeey labada kooxood Liverpool iyo Everton ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 62-aad Liverpool ayaa hoggaanka u qabatay ciyaarta waxaana 1-0 ka dhigay Andrew Robertson oo caawin ka helay saaxiibkiis Mohamed Salah.
85 daqiiqo marka ay dheesha mareysay Divock Origi oo ay caawin kaga timid Luis Díaz ayaa wuxuu ciyaarta ka dhigay 2-0 ay ku hoggaamineysay kooxda Liverpool.
Ugu dambeyntii ciyaarta ayaa ku dhammaatay 2-0 ay kaga adkaatay Liverpoo, kooxda Everton oo marti ugu ahayd garoonka Anfield, Reds oo kaalinta labaad ku jirta ayaa waxay leedahay 79 dhibcood.
