Dhoobley(Idaacadda Sanguuni)-Madaxweynaha Ukraine, Vladimir Zelensky, ayaa khadka teleefoonka kula hadlay raysalwasaaraha cusub ee Britain, Keir Starmer, oo xukunka ku guuleystay.
Zelensky waxa uu sheegay in uu hoggaamiyaha cusub ee Britain uu u xaqiijiyay in dalkiisa uu taageerayo Ukraine, ayna mabda’ ahaan taas badeleynin.
“Ka hor shirkii NOTO ee Washington iyo kuwii kale ee caalamiga, waxaan qorsheynay istaraatiijyadeena, waxaana ka hadalnay in aan si wadno iskaashigeena. Gaar ahaan, waxaan ka hadalnay diyaargarowga heshiiska 100 sano ee u dhexeeyay Ukraine iyo Britain”. Sidaasina waxaa bartiisa Telegramka ku qoray Zelesky.
Wax faahfaahin ah kama bixin waxa ku jira heshiiska iyo heerka uu joogo diyaargarowga.
Dhinaca kale, Ruushka ayaa ku weeraray Ukraine 27 drone Crimea iyo Kursk sida laga soo xigtay warbixinada joogtada ee ciidamada cirka Ukraine. Sidoo kale waxay sheegeen in ay soo rideen 24 drone.