Dhoobley(Idaacadda Sanguuni)-Walow ay lugtii hore ee Anfield ka dhacday guul 5-2 ah soo gaadheen, Real Madrid ayaa ku tashanaysa in Liverpool kulan kale oo adag Arbacada ugu imanaysa Santiago Bernabeu.
Afar maalmood kaddib kulanka Liverpool, Los Blancos ayaa kulan kale oo muhiim ah La Liga la ballansan kooxda uu xifaaltanku kala dhaxeeyo ee Barcelona, si kastaba, kooxda ayaa marka hore diirada saaraysa inay wareega siddeeda Champions League gaadho.
Ugu horreynba saxafi Mario Cortegana oo Marca ka shaqeeya ayaa shaaca ka qaaday in daafaca ruugcaddaaga ah ee Real Madrid ee David Alaba uu gabi ahaanba seegayo kulanka Arbacada.
Cortegana ayaan xaqiijin fursada uu kabtanka xulka Austria u haysto inuu diyaar u noqdo ciyaarya Clasico ee toddobaadka dambe.
Dhinaca kale warka u wanaagsan Madrid ayaa ah inay usoo kabteen daafaca bidix ee Ferland Mendy oo mudo ka maqnaa iyo Karim Benzema oo kulankii Espanyol ee Sabtidii seegay.
