Dhoobley(Idaacadda Sanguuni)-Martin Zubimendi ayaa qarka u saaran inuu ku biiro Arsenal Iyada oo heshiiska xiddiga Khadka dhexe la dhamaystiray sida ay sheegayaan wararka ka imanaya England.
Warka in Zubimendi u biirayo Arsenal ayaa soo baxay Salaasadii yada oo la filayo in xiddiga 25 jirka ah ka tago kooxda.
Xiddiga ayaa heshiiskiisa lagu bur-burin karaa lacag han 60 milyan oo euro waana lacagta ay kooxda doonaysa saxiixiisa bixiso
Zubimendi ayaa xagaagii ku dhawaaday in uu ku biiro kooxda Liverpool laakiin xiddiga ayaa daqiiqadihii ugu dambeeyay iska diiday si uu u sii joogo kooxdiisa.
Waxa ay haatan u muuqataa in xiddiga Khadka dhexe uu ku biirayo Emirates laakiin wararka ka imanaya Spain ayaa ka duwan kuwan England.
Wargayska AS ayaa sheegaya in xiddigu uu diirada saarayo kooxda Real Sociedad oo uuna wali ka fikirin in uu ka tago kooxda.
Wararka ayaa intaas ku Daraya in Zubimendi in uu ka xanaaqsan yahay wararka ka soo baxaya England.
