Phil Jones wuxuu Manchester United ku soo biiray sanadkii 2011 isagoo ka yimid naadiga Blackburn Rovers, tan iyo markaasna wuxuu kooxda kala qeyb galay 224 kulan, isagoo dhaliyay 6 gool, wuxuuna sidoo kale caawiyay 10 gool kale.
Wargeyska “Daily Mail” ee dalka England ayaa wuxuu shaaca ka qaaday wareysi uu bixiyay Halyeeyga Manchester United ee Rio Ferdinand, waxaana hadaladiisa ka mid ahaa:
“Waxaa soo gaaray dhaawacyo badan, waxaan isku koox ahayn Phil Jones, wuxuu ka yimid Blackburn Rovers, isaga oo da’ayar ah, qof kastana waxa uu dhihi jiray waxa uu noqon doonaa ciyaaryahan fiican.”
“Wuxuu leeyahay awood weyn, laakiin dhaawacyada waxay burburiyeen xirfadiisa, iyo dhibaatooyin xagga kalsoonida ah.”
“Marna ma awoodin inuu si buuxda isugu muujiyo kooxda, ha ahaato dhaawacyo, qaab ciyaareed la’aan, kalsooni darro.
“Waxaan u maleynayaa haddii ay tahay inuu baxo waqti kahor, waxay ahayd inuu baxo kahor Chris Smalling, raadi koox cusub oo ciyaar kubadda cagta.”
