Wasiirka dhalinyarada iyo ciyaaraha dowlad goboleedka Galmudug Xuseen Cabdulle Xassan ayaa magacaabay guddoomiyaasha ciyaaraha iyo dhalinyarada caasimadda Galmudug ee Dhuusamareeb.
Guddoomiyaha ururka dhalinyarada magaalada Dhuusamareeb ee caasimadda Galmudug ayaa loo magacaabay Calas Cabdinuur Barre,halka guddoomiyaha ururka ciyaaraha magaalada Dhuusamareeb loo magacaabay Maxamed Nuur Maxamed.
Wasiirka dhalinyarada iyo ciyaaraha Galmudug Xuseen Cabdulle Xassan ayaa sheegay in magacaabistan looga gol leeyahay dardargelinta howlaha dhalinyarada iyo ciyaaraha Caasimadda islamarkana uu ku xushay xubnaha aqoonta iyo waayo aragnimada ay u lee yihiin shaqadan.
Wasaaraddaha dowlad goboleedka Galmudug ayaa intooda badan isku duwayaal wakiil u ah u magacaabay degmooyinka gobollada Galgaduud iyo Mudug.
