Dhoobley(Idaacadda Sanguuni) Wasaaradda caafimaadka iyo daryeelka bulshada xukuumadda federaalka Soomaaliya, qeybteeda mashruuca nafaqada ayaa soo gabogabeysay shir lagu lafa gurayay soo saarida qorshaha nafaqada ee sanadka 2021/2022, kaas oo lagu qabtay magaalada Muqdisho.
Shirka oo leysla gartay sidii sare loogu qaadi lahaa ka wadashaqeynta nafaqada iyo in iskaashi buuxa laga yeesho ayaa waxaa kasoo qeyb galay wasaaradaha caafimaadka dowlad goboleedyada dalka.
Gabogabadii shirka ayaa billad sharaf ay ku muteysteen kaalinta ay ka qaateen qorshaha nafaqada iyo sahminta nafaqeeyayaalka yaryar (Micronutrient Survey-2019) wasaaradaha caafimaadka Puntland, Jubbaland, Koonfur galbeed, Galmudug iyo Hirshabeelle.
