(Dhoobley(Idaacadda Sanguuni). Wararka ka imaanaya dalka Taliyaaniga ayaa sheegaya inay kooxda kubadda cagta Juventus dooneyso inay dib ula soo saxiixato xiddigeedii hore ee Paul Pogba kaasoo haatan ka tirsan Manchester United.
Kubbad qaabeeyaha Faransiiska ayaa ku jira xilli ciyaareedkiisii ugu dambeeyay qandaraaskiisa Red Devils isagoo si bilaash ah kaga tagi kara xagaaga dambe garoonka Old Trafford.
Wargeyska Gazzetta dello Sport ee kasoo baxa dalka Taliyaaniga ayaa sheegay inay Bianconeri suuqa geyneyso xiddigaheeda khadka dhexe ee Aaron Ramsey iyo Adrien Rabiot si ay boos ugu banneyso miisaaniyadda mushaharka Pogba.
Si kastaba ha ahaatee, waxaa maalmihii ugu dambeeyay isa soo tarayay wararka sheegaya inay Man United ku gudo jirto dardar gelinta qandaraas kordhinta 28-sano jirkan.
