Dhoobley(Idaacadda Sanguuni) Wakiilka qaramada midoobay u qaabilsan Soomaaliya James Swan iyo saraakiil kale oo ka tirsan hay’adaha UNDP iyo WFP ayaa gaaray magaalada dhuusa-marreeb ee caasimadda Galmudug.
Madaxweyne ku xigeenka Galmudug Cali Daahir Ciid ayaa garoonka diyaaradaha dhuusamareeb ku soo dhaweeyay wafdigan.
Wafdigan ayaa xarunta madaxtooyada kula kulmay madaxweynaha Galmudug Axmed Cabdi kaariye Qoorqoor, iyagoo ka wada hadlay taageerada Qaramada Midoobay ay siineyso Galmudug sanadkan 2021, taas oo isugu jirta mid Siyaasadeed iyo mid horumarineed.
Wakiilka qaramada midoobay u fadhiya Soomaaliya James Swan ayaa maalmihii la soo dhaafay kulamo la qaadanayay madaxda dowlad goboleedyada iyo gobolka Banaadir.
