Dhoobley(Idaacadda Sanguuni)-Kooxda Arsenal ayaa la sheegayaa inay si lama filaan ah hoggaanka ugu qabatay tartanka saxeexa khadka dhexe ee Fenerbahce ee Arda Guler kaas oo tartan xoogan loogaga jiro saxeexa qaarada Yurub.
In badan oo kamida kooxaha Yurub ayaa xiisaynaya Arda oo qaadaya talaabada xigta ee waayihiisa ciyaareed.
Sida uu sheegayo wargeyska Portugal kasoo baxa ee Record, Guler ayaa xiiso ka helaya kooxaha Arsenal, Liverpool, Real Madrid iyo Benfica.
Dhinaca kale wargeyska English-ka ah ee Football Insider ayaa xusaya in Arsenal hoggaaminayso saxeexa Guler isla markaana kahor martay kooxo ay kamid tahay Newcastle United.
Guler ayaa ahaa mid hadal hayn badan dhaliyay tan iyo markii uu boos ka helay kooxda koowaad ee Fenerbahce iyadoo qaabka uu u ciyaaro lala barbardhigay halyeeyga Argentina ee Lionel Messi.
Arda ayaa xilli ciyaareedkii tagay 20 kulan kasoo muuqday Fenerbahce isagoo 4 gool iyo 3 caawimo soo sameeyay isla markaana 7 fursadood oo waaweyn soo abuuray.
